Олон улсын зээлжих зэрэглэлийг тодорхойлогч Фитч агентлаг Монгол Улсын зээлжих зэрэглэлийг “B+тогтвортой” хэмээн үнэлснээ цахим хуудастаа мэдээлжээ. 
Олон улсын Фитч агентлагийн энэ шийдвэр манай эдийн засаг 2012 онд хүрч байсан түвшиндээ ойртож байгааг илтгэж буй юм. Зээлжих зэрэглэл дээшилснээр хөрөнгө оруулагчдын итгэл сэргэж, зээлийн хүү буурах суурь нөхцлийг бүрдүүлдэг байна.
• Засгийн газраас өрийн удирдлагын оновчтой бодлогыг хэрэгжүүлж, гадаад өрийн дарамтыг бууруулсан
• Улсын гадаад валютын нөөц сүүлийн жилүүдэд тогтмол сайжирсан
• Төсвийн сахилга бат сайжирсан
• Эдийн засгийн өсөлт ба хамтарсан засаглал нь улс төрийн тогтвортой байдлыг илэрхийлж, Засгийн газрын бодлого цаашид үргэлжлэх дохио болсон зэрэг нь Монгол Улсын зээлжих зэрэглэл сайжрахад голлон нөлөөлсөн гэж Фитч агентлагын тайланд дурджээ.
Монгол Улсын Ерөнхий сайд Л.Оюун-Эрдэнэ "Энэ нь Засгийн газраас зарласан 14 мега төслийг хэрэгжүүлэхэд гарааны эерэг нөхцлийг бүрдүүлж байна" гэсэн байна.