Эрүүл мэндийн яам /ЭМЯ/ Covid-19 цар тахлын талаарх ээлжит мэдээллээ хийлээ. Энэхүү мэдээллийн үеэр ЭМЯ-ны Олон нийттэй харилцах, тандалт шуурхай удирдлагын хэлтсийн дарга Д.Нарангэрэл  "Covid-19 -ийн халдвар хоёр хүнээс шинээр илэрч, улсын хэмжээнд нийт 414 тохиолдол бүртгэгдсэн" гэлээ.

Тодруулбал, халдвар авсан тээврийн жолооч Д-ын ойрын хавьтал болох 4 настай хүүхдээс вирус илэрснээр энэ голомтоос нийт долоон хүн халдвар авсан аж. Эдгээр хүмүүс бүгд ХӨСҮТ-д тусгаарлагджээ. Хүүхдийн ойрын хавьтлыг одоо тогтоож байна. Хоёр дахь халдварын тохиолдол 10 сарын 24-нд Франкфуртын онгоцоор ирсэн хүний давтан шинжилгээнээс илэрсэн юм байна. Тэрбээр Улаанбаатар хот, Сэлэнгэ аймагт халдварын голомт улам тэлж байна гэдгийг анхаарууллаа. Шинжилгээний хариу сөрөг гарсан ч харах хүнгүйгээс ХӨСҮТ-д авчирч тусгаарласан гэж эцэг, эх нь ярьж байсан хүүхэд дахин шинжилгээгээр халдвар авсан болох нь тогтоогдлоо. Мөн 10 сарын 24-нд онгоцоор ирсэн хүний давтан шинжилгээнээс халдвар илэрсэн уг өвчний илрэх хугацаа уртасч, энэ нь оношлогдохгүйгээс олон хүнд халдах эрсдлийг дагуулж буйг анхаарах хэрэгтэй болж байна.