ХӨСҮТ-ийн Тандалт судалгааны албаны дарга А.Амбасэлмаа:
-ХӨСҮТ-ийн хоёр лаборатори, ЗӨСҮТ-ийн лаборатори, Сэлэнгэ аймгийн лабораторид нийт 1818 хүнд шинжилгээ хийлээ. Үүнээс гурван хүний шинжилгээнд коронавирус илэрлээ. Тодруулбал, аравдугаар сарын 26-нд Будапештээс ирсэн нэг хүний давтан шинжилгээ, "Энхсаран" сувиллын үйлчлэгч нэг хүний шинжилгээ, Сэлэнгэ аймгийн нэгдүгээр хавьтлын нэг хүний шинжилгээнд коронавирус илэрлээ. Улаанбаатар хотын голомтод өчигдөр ойрын хавьтал 107 хүн, хоёрдогч хавьтал 300 гаруй хүнд шинжилгээ хийсэн. Эдгээр шинжилгээнд коронавирус илрээгүй. Нийт тухайн голомтод одоо 9 тохиолдол бий. Тухайн голомтод анхан болон хоёрдогч шинжилгээг нийлүүлбэл 2753 шинжилгээг хийсэн байна. Мөн ЗӨСҮТ-ийн лабораторид Улаанбаатар хотын багц өвчлөлийн хоёрдогч хавьтлын цэгүүдэд шинжилгээ хийж байгаа. Үүнд 909 хүнд шинжилгээ хийхэд коронавирус илрээгүй байна. Сэлэнгэ аймагт батлагдсан тохиолдол дөрөв болж байгаа. Тандалт судалгаа үргэлжилж байна.
"Энхсаран" сувилалд эрүүл ирээд гарах дөхөж байхдаа, мөн гарсаныхаа дараа корона вирусын халдвартай болох нь батлагдсан хэд хэдэн тохиолдлын тухай тэнд тусгаарлагдаж, улмаар тэндээс халдвар авсан гэж ярьсан эх сурвалж ч бий. Энэ мэдээллийн дагуу шалгаж өгөхийг хүссэн иргэд ч цөөнгүй байсан. Ямартаа ч тус сувилалын үйлчлэгчээс вирусын халдвар илэрчээ.
