Дэлхийн хэвлэлийн эрх чөлөөний энэ өдөр УИХ-ын гишүүн Ц.Анандбазар сэтгүүлчдийг хүчирхийллийг эсэргүүцсэн нэвтрүүлэг хийсэн хэргээр хуулийн байгууллагаар шалгуулж эхэллээ. Тодруулбал “Ц.Анандбазарын үйлдсэн бэлгийн хүчирхийлэл” нэвтрүүлгийн дагуу сэтгүүлч Ц.Анхзул, С.Будрагчаа нарыг өнөөдөр өглөө цагдаагийн газраас “холбогдогч”-оор дуудан, шалгажээ. Сэтгүүлчдийг холбогдогчоор дуудах чиглэлийг Улсын ерөнхий прокуроос цагдаагийн байгууллагад ирүүлсэн ажээ. Харин шалгагдаж буй сэтгүүлчид УЕПГ-ыг Ц.Анандбазарын хүссэнээр ажиллаж буй хэмээн хардаж буй юм.
Иймд сэтгүүлчид 14.00 цагаас Улсын Ерөнхий прокурор Б.Жаргалсайханд шаардлага хүргэхээр болсон юм.
Өнөөдөр хэвлэлийн эрх чөлөөний өдөр. Сэтгүүлч нэвтрүүлэг хийснийхээ төлөө гэмт хэрэгтэн болох гэж байна. Сэтгүүлчдийг хэвлэлийн эрх чөлөөнийхөө төлөө дуу хоолойгоо нэгтгэхыг уриалж байна.
