Улаанбаатар хотод байрлах хуучин орон сууцны барилгуудаас илүүтэй шинэ барилга, байгууламжийн лифт, цахилгаантай холбоотой хүний эрүүл мэнд, амь нас эрсдэх тохиолдол багагүй бүртгэгдээд байгаа билээ. Гэсэн ч нэг хэсэг шуугиж бужигнаад л мартагддаг. Хэдхэн хоногийн өмнө бяцхан амь эрсдэж халуун гэр бүл сүйдсэн аймшигт хэрэг гараад удаагүй байхад дахин Лифттэй холбоотой асуудал үүсэв.

Нийслэл хотын төв цэгт байрлах Бизнес товер гэх барилгын лифт гацаж иргэдийг багагүй сандаргажээ. Нэгэн иргэн өөрийн цахим хуудастаа "Лифт унаад үхэх шахлаа! Ус уух хувьтай л байгаа юм байна. Амьд гарсандаа баярлав. Business Tower лифт бол зүгээр хүн алах юм байна! Лифты тороос хэр давтамжтай солих ёстой юм бэ!! Тороос мороосоо лифтны үзлэг хийдэг газар гэж байна уу!!!!" хэмээн бичлэг хийж пост оруулжээ. Манай улсад шинээр барилга байгууламж ашиглалтад орсоор байгаа ч хуучин болоод шинэ барилгын техник үзүүлэлтийн бүрэн бүтэн, аюулгүй байдлын стандарт, давтамжит шалгалт ямар түвшинд байгааг холбогдох албаныхан эргэж харах болжээ. Хүний эрүүл аюулгүй амьдрах эрхэд заналхийлсэн ноцтой асуудал тул Нийслэл хотын Захиргаа, түүний харъяа холбогдох байгууллагууд асуудлыг анхаарч үзэхийг сануулж байна.